အမေ့ကို ပြောပေးပါ အဖေ
သား ပြောစရာရှိတယ် အဖေ ။
အဘွားလေ သားကို လမ်းခုလတ်မှာ
ပစ်ချထားခဲ့ပြီး ထွက်သွားတယ် ။
လှမ်းခေါ်တာတောင် လှည့်မကြည့်ဘူး ။
သား ကို သား ကောင်းကောင်းသိတာပေါ့ ။
သားခြေထောက်တွေလေ ..... .....
သူတို့တွေက လမ်းကောင်းကောင်းမလျှောက်တတ်သေးဘူး အဖေ ရ ။
အမေ့လက်ထဲမှာ
ကောင်လေးတစ်ယောက် ချီထားတယ် အဖေ ။
သား အကိုထင်တယ် ။
သားထက် အသက်ပိုကြီးလို့နဲ့ တူတယ်နော် ။
အမေ့လက်ပေါ်မှာ မြူးလို့ ပျော်လို့ ။
သူ့မှာလည်း အညိုအမဲတွေ အများကြီးပဲ အဖေ ။
ဆေးလေး ဘာလေး လိမ်းပေးလိုက်ပါဦး ။
နောက်ထပ်တစ်ခါ ချော်ချက်ကျနေပါဦးမယ် ။
ဟိုရှေ့ နားမှာ
ထမင်းရည်ပူစည်း တားထားတာ
လှမ်းမြင်နေရတယ် အဖေ ။
သား မဖြတ်ရဲဘူး ။
ထမင်းရည်ပူစည်းကို ကျော်တယ်ဆိုရုံလေး
ခဏလောက်တော့ ချီသွားပေးပါ အဖေ ။
ကျော်တယ်ဆိုရုံလေးပါ ။
သားအခန်းလေးက မှောင်လွန်း ကျဉ်းလွန်းတယ် အဖေ ။
ပြတင်းပေါက်တွေ ပိတ်ပိတ်ထားတာ
အသက်ရှူလို့လဲ မ၀ဘူး ။
ချက် ( ဂျက် ) တွေ လာဖြုတ်ပေးပါလား အဖေ ။
လောကကြီး ဘယ်လောက်စိမ်းလန်းတယ် ဆိုတာ
ကိုယ်တိုင် ကိုယ်ကျ မြင်ဖူးချင်လွန်းလို့ပါ ။
သား ဟိုနေ့ နေ့လည်က အိပ်ပျော်သွားရင်း
အိမ်မက်တစ်ခု မက်တယ် အဖေ ။
အိပ်မက်ထဲမှာ သားက
သား ကို သား ထိုင်ခုံလုပ်ပြီး ပြန်ထိုင်နေတယ် ။
ကွင်းပြင်ကြီးထဲမှာ နေကလည်း အရမ်းပူတယ် အဖေရာ ။
မြက်ပင်တွေ ချုံပုတ်တွေတောင် မရှိဘူး ။
ထိုင်ခုံဖြစ်နေတဲ့ သားရော ၊ ထိုင်နေတဲ့ သားရော
ညောင်းလဲ ညောင်းတယ် ၊ ရေလဲ အရမ်းငတ်တယ်အဖေ ။
သား အိပ်မက်က လန့်မနိုးပါဘူး ။
သား ကို သား ရေတစ်ခွက်လုပ်ပြီး ပြန်သောက်လိုက်တယ် ။
အိပ်ရာဝင်ပုံပြင်တွေ ၊ သားချော့တေးတွေ
နားမထောင်ရတာ ကြာလှပြီ အဖေ ။
ထမင်းဝိုင်းမှာလည်း ဇွန်းသံ ခက်ရင်းသံတွေ
ငြိမ်နေတာလည်း ကြာလှပြီ ။
တော်တော်ကြာခဲ့ပါပြီ အဖေ ။
တော်တော်လေးကို ကြာခဲ့ပါပြီ ။
သား အပြင်ကိုရောက်နေတာလဲ တော်တော်ကြာပါပြီ ။
သား တနေ့ အပြင်ကပြန်လာတော့
ရောင်စုံမိုးပျံပူဖောင်းလေးတွေ ၀ယ်လာတယ် အဖေ ။
လက်ထဲမှာ ကိုင်လာတုန်း
သူတို့က ရုန်းကန်နေတာနဲ့ လွှတ်ပေးလိုက်တယ် ။
မိုးပေါ်ကို ... တကွဲတပြားနဲ့ တက်သွားလိုက်ကြတာ
သူတို့ကို ကြည့်ရတာ စိတ်ချမ်းသာလိုက်တာ အဖေရာ ။
ကြည့်နေရင်းကနေ တဖြည်းဖြည်း မြင့်သွား .....
နောက်ဆုံး သားတောင် မမြင်ရတော့ဘူး ။
သူတို့ရော သားကို မြင်ရပါ့မလားဟင် ။
မနေ့ညကလဲ ကြယ်ကြွေကျတာ တွေ့တယ် အဖေ ။
ကြယ်ကြွေနေတုန်း ဆုတောင်းရင် ပြည့်တယ်ဆို ။
ဟုတ်လား အဖေ ။
သား ဆုတစ်ခုတော့ တောင်းလိုက်တယ် ။
ဘယ်တော့လောက်မှ ပြည့်မလဲ မသိဘူး အဖေရာ ။
တောင်းသာတောင်းလိုက်တယ် ။
ကြယ်ကြွေတာကို သားမကြိုက်ဘူး အဖေ ။
သားက ရောင်စုံမိုးပျံပူဖောင်းလေးတွေလို
ဖြည်းဖြည်းအေးအေးလေးနဲ့ တက်သွား
ဒါမှမဟုတ် ကျလာတာကိုပဲ ကြိုက်တာ
သူတို့က အရမ်းမြန်လွန်းတယ် အဖေရာ ။
သား မကြိုက်ဘူး ။
သား ပြောစရာရှိသေးတယ် အဖေ ။
သား မှားတယ်ဆိုတာကို
သား အဖေ့ကို ပြောရဦးမယ် အဖေ ။
သား ကို သား လူဖြစ်ပြီ ထင်တာလဲ မှားတယ် ။
သား အပြင်ကို ရောက်နေတယ် ထင်တာလဲ မှားတယ် ။
သား မှားပါတယ် ။
သား မှားခဲ့ပါတယ် အဖေ ။
သားမှန်တယ် ထင်ခဲ့တာတွေလည်း မှားခဲ့ပါတယ် ။
ဒါပေမယ့် အမေ့ကိုလည်း ပြောပေးပါဦး အဖေ ။
အကို့ကို ညာဘက်လက်နဲ့ ချီထားပြီး
သားကိုလည်း ဘယ်ဘက်လက်နဲ့ ချီထားပေးပါလို့
သား ခြေထောက်တွေ
လမ်းကောင်းကောင်း မလျှောက်တတ်သေးဖူးဆိုတာ
သား ကောင်းကောင်းသိတယ် အဖေ ။
သား ကောင်းကောင်းကြီး သိလို့ပါ ။
သားကိုလည်း ချီထားပေးဖို့
အမေ့ကို ပြောပေးပါဦး အဖေ ။
ညီစိမ်း
အမေ့ကို ပြောပေးပါ အဖေ
Posted by
ညီစိမ်း
, Wednesday, September 23, 2009 at 8:34 PM, in
Labels:
ကဗျာ
Subscribe to:
Post Comments (Atom)
0 comments:
Post a Comment